⬅️ Balik sa Mga Leksyon

Maghisgot kita karon unsa ka importante ang pagtukod ug lig-on nga “patukoranan” para sa atong mga kinabuhi. Sama sa balay, dili kini makatindog kon walay “pundasyon” o “patukoranan.” Ang kusog sa balay nag-depende sa kalig-on sa patukoranan nga iyang gitindogan.

Sa mao gihapong paagi, ang tawo nga adunay maayong “espirituhanon nga patukoranan” magpuyo nga lig-on, kusgan, ug madaugon nga kinabuhi. Si Ginoong Jesus naghisgot mahitungod sa duha ka patukoranan sa Mateo 7:24-27.

Duha ka Klase nga Tawo

Makita noto sa atong gibasa nga nag-hisgot ang atong Ginoo ug duha ka klaseng tawo: maalamon (wise) ug buangbuang (foolish). Ang basihan ni Jesus sa iyang pag-hukom kung asa ang maalamon ug asa ang buangbuang dili sa ilang pagka-intelihinte o pagkamaayo ug hunahuna, kon dili asa nila gibutang ang ilang kinabuhi (balay) — sa lig-on nga patukoranan o sa huyang nga patukoranan. Ang imong pundasyon maayo, maalamon ka nga tawo.

Duha ka Klase nga Patukoranan

Bato nga gahi ug lig-on, ug the balas nga huyang ug dali ra mabanlas.

• I. Rehiyon - Ang ilang pagsalig ug paglaom anaa sa ilang pundok ug sikta.
• II. Kwarta o Bahandi - Ang ilang kinabuhi ug kalipay anaa nag-agad sa mga butang niining kalibutana.
• III. Tawo - Nagsalig sila sa ubang mga tawo. Murag dili sila mabuhi kung wala ang uban nga motabang kanila.
• IV. Pagtulon-an sa Tawo - Ang uban natukod ang ilang pagtuo ug pagsalig sa mga pagtulon sa mga tawo ug dili sa Pulong sa Dios nga mao ang Biblia.
• V. Kaugalingon - Ang uban nagsalig pag-ayo sa ilang kaugalingon ug wala sa Dios.

Mga Bagyo sa Kinabuhi

Sa istorya, the duha ka balay naigo gayod sa makusog nga ulan, baha, ug hangin. Nagpasabot kini nga tanang tawo moagi gayod ug mga problema.

Balay sa Bato

Ang atong balay kinahanglan matukod sa bato nga mao si Cristo Jesus aron mobarog taliwala sa mga bagyo ug mga problema nga moabot. Ang “balay” nga atong itukod nagpasabot sa atong mga kinabuhi, pamilya, trabaho, negosyo, ug ministeryo aron lig-on, molahotay, ug dili mapukan.

Pagtukod sa Atong Balay Ibabaw sa Bato

Unsaon nato nga ang atong kinabuhi (balay) matukod kang Kristo (bato)? Pinaagi sa Pagpaminaw ug pagtuman sa iyang pulong. Kini nga prinsipyo nga gitudlo ni Ginoong Jesus (Mateo 7:24).

1. Paghatag ug Panahon sa Iyang Pulong

Una kita makatuman, kinahanglan makadungog usa kita sa iyang pulong. Ang ignorante nga tawo sa "Pulong sa Dios" dili gayud makatuman, kay unsa may iyang tumanon kung wala siya makahibalo unsay angay niya tumanon. Kinahanglan mohatag kitag panahon sa pagbasa, pagtuon, ug pagpaminaw sa Biblia.

2. Pagtuman Unsay Nadunggan

Tama na ba ang pagpaminaw sa Pulong sa Dios? Dili. Gitawag ni Ginoong Jesus ang tawo nga nakadungog sa iyang pulong apan wala nagatuman niini nga “buangbuang.” Gitawag kita sa Dios sa pagtuman unsay atong nadungog ug dili sa pagpaminaw lang (Santiago 1:22).

3. Resulta sa Atong Pagkinabuhi Unsay Aton Nadunggan

Gahom ug kalig-on ang moabot kanato sa dihang ato nang ikinabuhi ang atong natun-an gikan sa iyang pulong. Kung kita nagbuhat niini sa makanunayon gayod (pagpaminaw ug pagtuman), kusgan ug madaugon kita nga mga Cristohanon. Dili matay-og ug matumba sa mga pagsulay sa kinabuhi.

Pag-aplikar sa Kaugalingon

Lima ka kamatuoran nga dapat nato masabtan aron kita kaluwas ug mahiusa kang Cristo nga atong patukoranan:

1. Tanan kita makasasala (Roma 3:10, 3:23) - Ang bayad sa sala mao ang kamatayon o pagkahimulag sa Dios (Roma 6:23).
2. Dili kita makaluwas sa atong kaugalingon - Gasa sa Dios ang kaluwasan ug dili nato kini mabayaran ug makuha sa atong mga maayong binuhatan. Madawat lang kini nato diha sa Pagtuo (Efeso 2:8-9; Roma 6:23).
3. Si Jesu-Cristo lang ang gipadala sa Amahan aron kita maluwas (Juan 3:16) - Si Jesus lang ang mibayad sa atong mga sala didto sa Krus (1 Timoteo 2:6).
4. Kinahanglan maghinulsol kita sa atong mga sala ug motuo Kaniya (Buhat 3:19) - Ang sala maoy hinungdan nga nahilayo kita sa Dios busa ato kining talikdan ug motuo kita sa gibuhat ni Jesus didto sa Krus. Sa krus iyang gibayaran ang tanang sala sa kalibotan.
5. Ato Siyang dawton sulod sa atong kasing-kasing - Una kita makalakaw diha kang Cristo, dapat ato siyang dawton isip Ginoo (Colosas 2:6-7). Kung ato siyang dawton sulod sa atong kasingkasing, hatagan kita niya ug katungod nga mahimo nang anak sa Dios (Juan 1:12-13).