🌐 PINULONGAN:
⬅️ Balik sa Mga Leksyon

KINABUHI HUMAN SA KAMATAYON

(Cell Lesson Two)

Ang pisikal nga kamatayon mahitabo bisan asa sulod o gawas sa imong panimalay. Kini moabot sa bisan unsang takna—buntag, udto, hapon, gabii, o kadlawon. Moabot kini sa tanang tawo: bata o tigulang, babaye o lalaki, dato o pobre, ilado o dili ilado. Walay pilion ang kamatayon.

Nagkalainlain ang paagi sa pag-abot niini: sakit, aksidente, katalagman, gipapatay, o bunga na sa katigulang. Ang kamatayon dili mapugngan sa bisan unsa—bitamina, medicina, pag-ugnat sa kusog, o saktong pagkaon—hinuon puwede kini mapataas niining mga butanga. Ang tawo moagi gayud ug pisikal nga kamatayon, gawas kung maabtan siya sa pagbalik ni Cristo.

1. Unsay naghulat human sa pisikal nga kamatayon?

Ang tawo gidestino nga kausa lang mamatay ug paghuman niini, ang paghukom.

Hebreo 9:27 - "Ug ingon nga ang tawo gitudlo nga mamatay sa usa lamang ka higayon, ug sa tapos niini mao ang paghukom."

2. Unsa ang Paghukom?

Ang “paghukom” mao ang panahon diin ang Dios mohimog desisyon kung iya bang pasudlon ang usa ka tawo o dili sa iyang Gingharian (Gipadayag 20:12; 15).

Ang kamatayon usa ka pultahan ngadto sa laing lugar diin wala nay kahumanan (eternity). Aduna lay duha ka lugar nga puwede adtoan sa usa ka tawo nga mamatay: Langit o Impyerno (Lukas 16:19-23).

🔥 Ang Impyerno

Giunsa paghulagway sa Biblia:

  • Usa ka lugar diin ang yawa uban sa iyang mga anghel ug tanang mga makasasala pagasilotan. (Mateo 25:41; Gipadayag 21:8)
  • Grabe kaayo nga pag-antos ug kasakit:
    • Mga ulod nga dili mamatay ug kalayo nga dili mapalong. (Marcos 9:47-48)
    • Grabe nga panaghilak ug panagkagot sa mga ngipon. (Mateo 25:30)
    • Mahinumdom ka sa imong kinabuhi samtang didto pa sa kalibotan. (Lukas 16:25)
  • Ang mga makasasala hangtod sa kahangtoran pagasilotan ug mahimulag sa presensiya sa Dios. (2 Tesalonica 1:9)

👑 Ang Langit

Giunsa paghulagway sa Biblia:

  • Usa ka lugar diin wala nay paghilak, kasakit, kasub-anan, ug kamatayon. (Gipadayag 21:4)
  • Usa ka lugar diin wala nay daotan ug mga makasasala. (Gipadayag 21:27)
  • Usa ka lugar diin ang Dios makig-uban na kanato hangtod sa kahangtoran. (Gipadayag 21:3)

3. Kanus-a kita mag-andam niining kinabuhi nga human sa kamatayon?

Karon samtang buhi pa kita (Lukas 16:27-28). Ayaw na hulata ang ugma basin ug ulahi na kaayo ang tanan. Ang Yawa gusto nga dili kita motuo nga ang “Langit” ug “Impyerno” tinuod aron dili kita mangandam niining kinabuhia.

4. Unsaon nato pag-andam niining kinabuhi nga umaabot?

Ang Dios mogamit gayod ug mga tawo aron pagpahimangno kanato ginamit ang iyang pulong nga mao ang Biblia (Lukas 16:29-31). Kung gusto kita ma-langit, atong dawaton ang ilang mensahe mahitungod sa kaluwasan.

5. Unsaon nato para kita maluwas?

Nag-ingon ang Biblia nga ang kaluwasan dili nato maangkon pinaagi sa atong maayong binuhatan tungod kay kita mga makasasala man. Hinuon, the kaluwasan atong mabatunan kung kita modawat kang Jesus isip atong personal nga Ginoo ug Manluluwas.

Efeso 2:8-9 - "Kay tungod sa grasya kamo nangaluwas pinaagi sa pagtuo; ug kini dili gikan sa inyong kaugalingon, kini gasa sa Dios..."

Roma 6:23 - "Kay ang suhol sa sala mao ang kamatayon, apan ang walay bayad nga gasa sa Dios mao ang kinabuhing dayon diha kang Cristo Jesus nga atong Ginoo."

❓ Pag-aplikar nga mga Pangutana: