⬅️ Balik sa Mga Leksyon

Nganong kinahanglan man gayod kita maluwas? Unsay ba ang sayop kanato? Nganong motuo man kita kang Cristo aron maluwas? Ato kining tubagon karon nga mga pangutana.

Adunay Babag nga Nagseparar sa Dios ug sa Tawo

Imo bang nabati nga ang Dios morag layo kaayo sa imong kinabuhi? Kitang tanan gibati ug sama niini. Ang pagbasi nga ang Dios layo kaayo gibati sa tanan, tungod niini daghan ang nagtuo nga pinaagi sa relihiyon ug sa mga maayong buhat sila miduol sa Dios.

Pero tungod kay ang atong pagseparar sa Dios dili pisikal—walay tawhanong binuhatan ang makapaduol kanato ngadto kaniya. Unsay hinungdan nga ang tawo nahimulag sa Dios?

Ang Sala Maoy Nagpahimulag sa Tawo Gikan sa Dios

Ang pagseparar sa Dios ug sa tawo klaro kaayo sa Biblia. Ang Dios balaan; ang tawo makasasala. Ang Dios maayo; ang tawo daotan.

Nag-ingon ang pulong sa Dios nga “Nakasala ang tanan ug nahilayo sa Dios” (Roma 3:23). Kamatayon o pagkahimulag sa presensya sa Dios ang bayad sa Sala (Roma 6:23).

Ang Hustisya sa Dios Nagkinahanglan ug Sakripisyo Alang sa Sala

Tungod kay ang Dios 'matarong ug hustisya,' dili niya matugotan ang sala nga dili masilotan. Tungod kay siya 'mahigugmaon ug mangiluy-on,' dili niya gusto nga ang tawo mahimulag kaniya.

Ang langitnon nga pagsulbad sa maong problema mao nga si Cristo Jesus, the Bugtong Anak sa Dios, maoy nahimong “sakripisyo para sa tanang sala sa tibuok kalibotan.” Nag-ingon ang Hebreo 9:28, “Gihalad usab si Cristo sa makausa aron pagwagtang sa mga sala sa daghang mga tawo.” Siya ang, “...kordero sa Dios nga nagwagtang sa sala sa kalibotan" (Juan 1:29).

Si Jesus Ang Mibayad sa Silot sa Atong mga Sala

Unsay nahitabo didto sa Krus? Si Jesus ang mipuli sa atong dapit ug sa atong silot. Adunay panagkambiyo nga nahitabo didto sa Krus, iyang giangkon ang atong tunglo ug kapobrehon aron makadawat kita sa iyang panalangin ug kadato (Galacia 3:13-14; 2 Corinto 8:9). Iyang giangkon ang atong mga sala aron makaambit kita sa iyang pagkamatarong (2 Corinto 5:21).

Tungod sa iyang kinabuhi nga walay sala, siya lang ang angayan nga mobayad sa silot sa sala sa tawo ug mopatunga sa Dios ug sa tawo. Tungod niini ang atong kaluwasan nabasi sa gibuhat ni Jesus didto sa Krus ug dili unsay atong nabuhat para kaniya. Si Jesus lang ang nagbayad sa silot sa akong mga sala.

Maluwas Kita Kung Atong Talikdan ang Sala ug Mosalig Kang Cristo

Kitang tanan nakasala batok sa balaan ug matarong nga Dios. Ang bayad sa sala mao ang pagkahimulag sa “buhi nga presensya sa Dios” ug ang pagsilot ngadto sa “impyerno”. Ang Dios ‘hustisya’ ug mosilot gayod sa sala. Siya usab ‘mahigugmaon’ ug dili gusto nga kita mahimulag kaniya ug moadto sa impyerno hangtod sa kahangtoran, mao nga iyang gipadala ang iyang bugtong anak nga si Jesu Cristo para pagbayad sa silot sa atong mga sala didto sa Krus (Roma 5:8). Tungod due sa iyang kinabuhi nga walay sala, ang kamatayon wala makapugong kaniya.

Nabanhaw siya gikan sa mga minatay sa ikatulo ka adlaw. Buhi si Jesus! Ania siya karon ug andam mohatag ug kapasayloan niadtong andam maghinulsol sa ilang mga sala. Andam siyang moluwas niadtong motugyan sa ilang mga kinabuhi ngadto kaniya.

Ang mensahe sa Maayong Balita mao nga, “Diha ni Cristo dunay kaluwasan gikan sa sala ug pagpasig-uli ngadto sa Dios" (2 Corinto 5:19). Madawat noto ang kaluwasan kon moundang kita sa pagsalig sa atong kaugalingon ug atong ibutang ang atong pagsalig sa gibuhat ni Cristo didto sa Krus para kanato.