(Cell Lesson Six)
Kadaghanan kanato, tungod sa atong kakulang ug kahibalo sa Biblia, nagtuo nga ang kaluwasan masiguro lang kung atua na kita sa langit. Kini nga panghunahuna anaa sa Biblia, pero usa lang kini sa tulo ka aspeto sa kaluwasan nga gihisgutan sa Pulong sa Dios. Atong hisgutan karon ang tulo ka aspeto sa kaluwasan nga ginatudlo sa Biblia.
Sumala sa kasulatan, “wala gayoy tawo nga matarong...” (Roma 3:10); Nakasala ang tanan ug nahilayo sa Dios (Roma 3:23). Ang makasasala dili gyud makamatarong sa iyang kaugalingon pinaagi sa iyang mga relihiyoso ug mga maayong buhat.
Misulat si Apostol Pablo sa Roma 10:2-4 mahitungod sa mga Israelita nga dasig kaayo nangalagad sa Dios pero sa sayop nga paagi:
Ang paagi sa Dios pagmatarong kanato diha lang sa atong pagtuo kang Cristo. Ang pagkamatarong gasa sa Dios nganhi kanato ug ato kining madawat pinaagi sa pagtuo.
Kini ang unang aspeto sa kaluwasan. Kini nga aspeto “dihadiha” (instantaneous). Sa dihang atong gidawat si Jesus nganhi sa atong kasingkasing, dihadiha napasaylo kita, naluwas, ug nahiusa sa Dios 100%.
💡 Lawom nga Katin-awan (The Past Tense of Salvation):
Ang Justification nagpasabot nga "giluwas kita gikan sa SILOT sa sala (Penalty of Sin)." Sa korte sa langit, sa higayon nga mosalig ka kang Jesus, gibunalan na ang martilyo ug gideklara ka nga "WALAY SALA." Sa mata sa Dios, tungod sa dugo ni Jesus, ingon ka-limpyo sa usa ka tawo nga wala gayud makasala sukad sa iyang kinabuhi.
Human sa imong kaluwasan, dunay proseso sa “kabag-ohan” nga mosunod. Usa kini ka proseso gikan sa sulod ngadto sa gawas. Kini nga panghitabo dili “dihadiha” kondili “hinay-hinay” (gradual).
Tinuod naluwas na kita gikan sa panulondon nga sala, sa yawa, ug sa impiyerno, pero kinahanglan maluwas pa kita gikan sa mga binuhatan, mga sinultian, mga hunahuna, ug mga motibo nga daotan. Human kita naluwas gikan sa “gahom sa sala”, kinahanglan maluwas kita sa “mga galamay sa sala” (karaang kinaiya). Dali lang ang pagawas sa Egypt, apan dili dali ipagawas ang mga pagtulon-an sa Egypt gikan sa atong mga kinabuhi.
Kining ikaduhang aspeto mao ang 'paghingpit sa atong kaluwasan.' Luwas na kita pero kinahanglan pa kita mahingpit o mahamtong sa kinaiya, kahibalo, ug katakos sa pagpangalagad.
💡 Lawom nga Katin-awan (The Present Tense of Salvation):
Ang Sanctification nagpasabot nga "ginabaluwas kita gikan sa GAHOM sa sala karong adlawa (Power of Sin)." Kung sa Justification na-canseled ang silot, sa Sanctification gi-break o giputol ni Jesus ang paghari sa mga bisyo, karaan nga batasan, ug dautang tinguha sa atong unod. Kini usa ka inadlaw-adlaw nga paglakaw kauban ang Espiritu Santo hangtod nga mosama ang atong kinaiya kang Cristo.
Ang ikatulong aspeto sa kaluwasan mao ang kaluwasan sa atong lawas nga madunoton ug ang kompleto nga kalaglagan sa kamatayon. Kini mahitabo sa ikaduhang pagbalik ni Jesus diin iya kitang kuhaon aron makig-uban kaniya hangtod sa kahangtoran.
Ang mouban sa pagbalik ni Cristo kadto lang anaa kaniya, patay man o buhi:
Kita nga naluwas na ug namatarong na diha ni Cristo, kinahanglan magpabilin nga putli aron makauban kita sa iyang ikaduhang pagbalik (Tito 2:11-13). Kay kung walay pagkabalaan, walay makakita sa Ginoo (Hebreo 12:14).
💡 Lawom nga Katin-awan (The Future Tense of Salvation):
Ang Glorification nagpasabot nga "pagabaluwasom kita gikan sa PRESENSYA sa sala (Presence of Sin)." Kini mao ang pinaka-kolminasyon o katapusan nga yugto sa atong kaluwasan. Wala na kitay sakit, wala nay luha, wala nay tentasyon, ug hatagan kita og bag-o ug mahimayaon nga lawas nga dili na madunot o matigulang hangtod sa kahangtoran.